كيف تنحف وتحافظ على نتائجك للأبد ؟
ليش في ناس ينحفون ويحافظون على نتائجهم ويتطورون اكثر واكثر وفي ناس ينحفون ويرجعون يمتنون وينحفون ويرجعون يمتنون بشكل متكرر
الفرق بين الفئتين في العقلية يا صاحبي
الفئة اللي ينحفون ويتطورون هذيلا عندهم عقلية نمو وعندهم صبر واستمراريه
والناس اللي ينحفون وبعدين يرجعون يمتنون عندهم عقلية محدودة وإستعجال على النتائج
الان لي اكثر من 9 سنوات من بعد ما نحفت والحمدلله ما رجعت سمنت بالعكس كل سنة اتطور ويتحسن شكل جسمي اكثر وأكثر حتى في الاوقات اللي تجيني فيها ظروف صعبة اقدر احافظ على نتائجي
مثلاَ في 2016 جتني اصابة كسر في عظمة الذراع وما رجعت سمنت
وفي مجموعة اسباب لهذا الشي راح اذكرها لك في هذي المدونه:
1:لازم تقرر قرار حقيقي انك تستمر طول حياتك على الخطوات الصغيرة اليومية ( سو اللي تقدر عليه في يومك واشعر بالامتنان على اللي سويته في يومك بغض النظر عن حجمه )
انسى فكرة تحدي 30 يوم او تحدي 60 يوم او تحدي 90 يوم - وركز على تحدي مدى الحياة
انا قررت هذا القرار اني استمر طول حياتي على ممارسات يومية رياضية وغذائية ونفسية تساعدني اتحسن ولو نسبة 1%
2:ابدأ بالبسيط وتطور بالتدريج - لا تغير حياتك فوق تحت من اليوم الاول - حدد العادات الصغيره اللي انت واثق من قدرتك على الاستمرار عليها ومع الوقت تطور بالتدريج وضيف عادات جديدة لنمط حياتك
3:جهز خطة أ وخطة ب - خطة أ للتطور وخطة ب للمحافظة
خطة أ هذي تتبعها وقت ما تكون حياتك تمام وما عندك ظروف تؤثر عليك وعلى إستمراريتك
خطة ب تقدر تعتمد عليها وقت الحاجة راح تساعدك تحافظ على نتائجك لفترة حتى ترجع لخطة أ
مثلاَ خطة أ بالنسبة ليه - حسبة السعرات + اكل نوعين خضروات مع أغلب وجباتي + أكل عنصر بروتين صافي مع اغلب وجباتي + شرب احتياجي من الماء + النوم 7 الى 9 ساعات في الليل + مممارسة تمارين التنفس كل يوم الصباح + تمارين مقاومة 3 ايام في الاسبوع + خطوات يومية من 9 الى 10 الف خطوة
لكن خطة ب : الاكل ببطئ + الاكل حتى الشعور بالشبع بنسبة 80% + مشي نص ساعة في اليوم ( فقط )
فالزبده يا صاحبي قرر قرار صادق مع نفسك بالاستمرار مدى الحياة (الموضوع مو تحدي مؤقت) ابدأ بالقليل وتطور بالتدريج - جهز خطة أ للتطور وتحقيق نتائج رهيبه وخطة ب لأوقات الظروف الصعبة والمحافظة
والان ابغى أعطيك هدية بسيطة كتيب عادات خسارة الدهون الكتيب هذا راح يعلمك 8 عادات بسيطة وفعالة لرحلة خسارة دهون ناجحة