أفضل جدول تمرين لبناء العضلات ؟

ايش افضل جدول لبناء العضلات - جدول شامل 3 ايام في الاسبوع - او جدول برو سبلت او علوي وسفلي او بوش بول ليق؟

بالنسبة ليه وحسب تجربتي الشخصية افضل جدول جربته هو الجدول الشامل 3 ايام في الاسبوع فقط وهذي بعض الأسباب:

1:الجدول الشامل يعطيني استمراريه اكبر بكثير مقارنة بالجداول الاخرى حتى لو مريت في ظروف في حياتي اقدر استمر عليه

2:الجدول الشامل يعطيني استشفاء كامل عضلي وعصبي ونفسي حتى وغالباَ ما تجي الحصة الا وانا مستعد لها جسدياَ ونفسياَ

3:الجدول الشامل امتع بكثير بالنسبة ليه لانه يخليني أمرن كامل الجسم في نفس الحصة بدل ما اركز على عضلة وحده بس

4:الجدول الشامل يجبرني على اختيار تمارين فعالة لانه في كل حصة اختار تمرين الى تمرينين بالكثير لكل عضله فإذا كانت عدد التمارين قليلة لازم اختار اهم التمارين وأكثرها فاعلية

5:الجدول الشامل يخليني اركز على الجودة بدل الكمية - فإذا كان عندي تمرن واحد فقط للبايسبس في الحصة هذا التمرين اعطي فيه تركيز وشده واداء بنسبة 100% واحس اني أعطيك العضلة حقها بدون تفريط - لكن لو كان عندي يوم خاص بالذراع أو ادمج الباي مع الظهر راح العب اول تمرين بنسبة 100% وبعدين تقل جودة ادائي لاني ضغطت نفسي بكمية تمارين مبالغة فيها في حصة وحده

بالرغم من هذي الأسباب كلها اللي تخليك على الاقل تجرب الجدول الشامل إلا أنه في سؤال مهم جداَ لازم تسأل نفسك فيه اذا تبغى تنجح في بناء العضلات

السؤال هو - ايش اكثر جدول انته قادر تستمر عليه على المدى البعيد وتستمتع فيه اكثر شي ؟ هذا الجدول المناسب لك أنت

واذا تبغى تجرب الجدول الشامل لفترة عندي برنامج تمرين شامل مجاني 3 ايام في الاسبوع الرابط حقه راح تلقاه في أسفل هذي المدونة