من أكبر الأخطاء المنتشرة اللي تشتت الناس عن أهدافهم الصحية والجسدية سوء التفريق بين الممارسات الأساسية والممارسات الثانوية
لأنه في نهاية المطاف الشخص أما يركز على ممارسات ثانويه وما يحصل منها نتائج مرضية او يتشتت بكثرة الممارسات الثانويه وما يدري من فين يبدأ وما يبدأ
والحل إنك تعرف الأساسيات وتركز عليها صح وبعدين تفكر في الأمور الثانوية اذا تبغى
طيب ايش الاساسيات لخسارة الوزن ؟
1:لازم يكون عندك عجز في السعرات ( هذا الشي اساسي ) وفي طرق كثيرة عشان يكون عندك عجز في السعرات ( تقدر تحسب سعراتك بشكل يومي وتقدر تتبع نظام محسوب السعرات جاهز وتقدر تستخدم يدك لحساب كمية الأكل - في طرق مناسبة للمبتدئين تعتمد على تقليل كمية الأكل بالشعور - مثل ممارسة الأكل ببطئ وممارسة الأكل حتى الشعور بالشبع بنسبة 80% \
ما تحتاج تاكل 5 او 6 وجبات في اليوم وما تحتاج تقطع الكارب وتتبع الكيتو
2:إذا تبغى تنحف بطريقة صحية ويكون جسمك متناسق وجميل لازم تتمرن مقاومة يومين الى ثلاثة ايام في الاسبوع تمارين شاملة لكل عضلات الجسم - هذي عدد الحصص الأساسية وهذا اللي تحتاجه
ما تحتاج تتمرن خمسة أيام في الأسبوع او ستة أيام تقدر تبني جسم جميل ومتناسق بتمرين 3 ايام فقط
3:ركز على تمارين المقاومة المعروفة والمثبتة فعاليتها
ما تحتاج تمارين جديده كل اسبوع وما تحتاج تمارين خاصة وماراح تفرق معاك فرق يستاهل -
شفت شخص في انستقرام يتكلم عن قبضه ال V في تمرين الظهر وانها سيئة وراح تضر نتائجك لكنه بالغ كثير في هذا الشي وهذا الشي ثانوي - حسسك انه اذا عدلت هذا الشي راح تبني ظهر مثل روني كولمن
4:عشان تزيد الحرق عندك وتحسن من صحتك بشكل عام وترفع من لياقتك القلبية تحتاج تمارين كارديو تكون تستمتع فيها ومرتاح معاها وقادر تستمر عليها على المدى البعيد
ما تحتاج تتبع نوع خاص من الكارديو أو كارديو بنظام الهيت او حصص جماعيه ( هذي الامور ثانوية )
فيا صديقي ركز على الممارسات الأساسية وحولها لعادات تلقائيه وسهله وبعدين تقدر تجرب بعض الامور الثانويه وتشوف ردة فعل جسمك معاها لو استفدت منها تقدر تخليها شي أساسي بالنسبة لك انت - تمام ؟ تمام - اتفقنا ؟ اتفقنا.
واذا تبغى برنامج تمرين مجاني 3 ايام في الاسبوع عندي برنامج راح تلقى الرابط حقه اسفل هذي المدونه